Dec
21
2008
Belə başa düşürəm ki, Hollandiya səfəri bu qış Almaniya ilə əvəz olunacaq. Əgər Rotterdama getmək planları 3-cü dəfə də alınmasa, artıq bunun qismət olmadığına inanmağa başlayacam deyəsən. )))
Bu arada, Baltikyanı ölkələrin yerinə də Türkiyəyə getmək qərarı alındı. Daha da yaxşı, araşdırmalarımın əsasını qoymaq üçün gözəl fürsətdir.
Sep
4
2008
Veten.be yeni serverə köçdü. Hazırda texniki işlər aparılır. Forum əvvəlki kimi fəaliyyətini davam edəcək. Ondan əlavə olaraq, əsas səhifənin əlavə edilməsini fikirləşirəm. Orada məqalələr, xəbərlər, rəsim qalereyasının olması planlaşdırılır.
Allah köməyimiz olsun!
Aug
27
2008
Kimin Facebook, Odnoklassniki və bu kimi digər sosial şəbəkə saytlarında qeydiyyatı yoxdur? Çoxumuz bu cür “şəbəkələşirik”.
Bu həvəsə düşüb, çoxları oxşar layihələr yaradırlar. Biz də istisna olmadıq. Avraz.NET ilk olaraq elə Social NETwork kimi fəaliyyətə başlamışdı. Sözsüz ki, bu cür layihələrin “nəhənglərə” dözməsi üçün bir sıra şərtlərə cavab vermək lazımdır.
Ona görə də, görək AvrAz.NETwork sosial şəbəkəsinin yaşaması üçün nə lazımdır?
1. Dəqiq “target group”.
Bu o deməkdir ki, cəmiyyətdə ilkin hədəfimizi müəyyənləşdirməliyik. Artıq aydındır ki, bu hələlik Avropada yaşayan azərbaycanlılardır.
2. Tələblərin müəyyənləşdirilməsi.
Hədəf müəyyənləşdikdən sonra, işin gedişini ilk zamanlarda həmin ictimai qrupun tələbləri üzərində qurulmalıdır. Bu da o qədər də asan iş deyil.
3. Hədəf qrupla bağlı məqsədlərin müəyyənləşdirilməsi
Daha sadə desək, seçilmiş qrupa nəyi çatdırmaq istədiyinizi, onları hansı məlumatla təmin edərək, hansı yöndə dəyişəcəyinizi dəqiq bilməlisiniz. Şəbəkəyə qoşularkən, dəyərlər də get-gedə ona uyğun dəyişir. Bu yaxşı olduğu kimi, çoxlu ziyan da verə bilər.
4. Şərti personaj(lar)
İstənilən ictimai iş, insanlar üçün olunur və insanları müəyyən işə cəlb etmək üçün onlara ya ideyaları qəbul etdirmək, ya da misal və örnəklərlə izah etmək lazımdır. Sözsüz ki, ikinci variant daha asandır. Bunun üçün ən asan yol, özün üçün şərti personaj(lar)ın yaradılmasıdır.
Ancaq biz daha uzağa gedəcəyik. Biz bu personajları tək özümüz üçün deyil, həm də ictimayət üçün hazırlayacayıq. Avrazları, digər …az`lardan fərqli olaraq, daha fərqlidirlər və bir-biri ilə çox az oxşarlıqları var. Bu səbəbdəndir ki, personajların da sayı çox olacaq.
5. Təkliflərin reallaşması üçün imkanlar
Öncəki addımlar bizə ancaq bir şeyi müəyyənləşdirməyə imkan verdi – ictimayətin tələblərini. Bunları bildikdə, bu tələblərə cavab vermək imkanları və onların nəqədər böyük olmasını müəyyənləşdirmək qalır.
Bugünlük bu qədər. :) Gələn dəfə SMO ilə məşqul olacağıq.
Aug
27
2008
Beləliklə, AvrAz.NET üzərində işlər hələ də davam etməkdədir. Qismən layihənin açılışı 2009-cu ilin əvvəllərinə planlaşırılır. Tam açılış isə, 2009-cu ilin yazında olmalıdır.
İndi isə, daha ətraflı. AvrAz internet resursu hazırda “portala” çevrilməkdədir. İnternet səhifələrinin kataloqu, Televiziya və Radio izləmək imkanı, rəsim qalereyası kimi bölmələr artıq hazırdır və bu bölmələrin sayı getdikcə çoxalacaq.
Sadəcə olaraq, gördüyümüz iş, bazarda mal kimidir. Tələbat olmasa, satılmayacaq da. Onun üçün, siravi istifadəçilərin istəklərini və tələbatını bilmək də olduqca vacibdir.
Bunun üçün də, növbəti yazı …
Jul
22
2008
Avrazların sıx yaşadığı yerləri və Avraz təşkilatlarını veb səhifəsi ilə təmin etmək üçün belə bir tədbir görmək olar.
Biz istəyən Avrazlara və təşkilat/qurumlara bizdə olan hosting yerini veririk və saytın yaradılmasına köməklik edirik. Ancaq domain adı alınır. Bunun əvəzində, həmin saytlarda “forum” linki Avraz.NET/Forum`a, onlar üçün yaradılmış bölməyə aparır.
Jul
15
2008
Beləliklə, Avraz.Net Forumu bitirmək üzrəyəm. Son bir həftəlik əməyimin nəticəsi. :)
Artıq son bir-neçə məqamdan sonra, forum açılışa hazır olacaq. Ancaq bu açılış hələ tez baş verməyəcək. Forumun açılışı üçün ən azından bir-neçə “avraz mərkəzi” ilə razılığımız olmalıdır. London və Benilüks gəncləri, mən belə düşünürəm, hazırdırlar. Düzdü London forumunun texniki adminindən səs gəlmir :)
Hələlik ən real mərkəzlər Hamburq, Köln və Strasburqdur. Brno(Çexiya) ilə əlaqə qura bilmədim.
Səbrimiz deyəsən doğurdan da tükənməzdir
Jul
14
2008
Forumun birləşməsi ilə əlaqədar belədir fikir. Bu dəqiqə Avropada bir-neçə Azərbaycan forumu var. Caspian-Khazri, Veten.Be, Dakh.de, etc.
Bundan başqa sonsuz sayda qurum və icmalar var ki, forumları, saytları yoxdur. Avraz bu funksiyanı öz üzərinə necə götürə bilər? – Forumun bizi bu yazıda maraqlandıran bölmələri hələlik belədir:
Elə bu üçüncü bölmədə “subforums” (el arasında, подфорум və alt forum da deyirlər) sistemi ilə təşkilat və icmalara həsr olunmuş bölmələr olacaq. Beləliklə, bütün təşkilatların forumu olur və bununla belə biz “göbələk” kimi çoxalan forumların qarşısını alırıq. Məncə bu bizə doğurdan da güclü forumumuzun olması üçün yeganə şansdır.
Ancaq, özüm də forum admını olduğuma görə, bilirəm bu addımı atmaq nəqədər çətin olacaq. Hər forumda çox vacib və ürəyimizə yaxın olan məlumatlar var. Onlarla ayrılmaq o qədər də asan deyil. Həm də üzvlər razı olmurlar. Ondan başqa, millətimiz elə millətdir ki, əməkdaşlığa qətiyyən razı deyil. Birinci olmasaq dünyanın axırı olar. Buna görə də, məni narahat edən daha bir məqam odur ki, təklikdə heç admin də olmalı deyiləm. Hər hansısa yolla, həm texniki idarə ilə məşqul olmalı, həm də hamı ilə bərabərlikdə qalmalıyam. Həssas məqamdır
Jul
14
2008
“Avraz” şəbəkəsi ilə əlaqədar yaxın gələcəkdə qarşıma qoyduğum məqsədləri dəqiqləşdirməyə çalışım.
Birincisi, Avropada yerləşən “avrazların sıx yaşadığı yerlər”, bir sözlə “Avraz Mərkəzlərinin” bir hissəsini ziyarət etmək vəya orada fəaliyyət göstərən təşkilatlarla əlaqə saxlamaq. (e.g.: London, Hamburq, Köln, Strasburq, Benilüks bizdiydi :), Çexiya(Brno, Praqa), Moskva, Türkiyə və etc.).
Hər şeydən öncə, Avropa azərbaycanlıları Avrazlıqlarını qəbul etməlidirlər :)
Ümumilikdə bütün bu təşkilat və fərdlər ideyanın mahiyyətini və bu ideyanın yayılmasının vacibliyini və faydasını dərk etməlidirlər. Avraz.net bütün Avropadakı azərbaycanlıları birləşdirəcək sayt olmalıdı. Və iş elə aparılmalıdır ki, hər kəs bu işə öz töhfəsini vermək üçün maraqlı olmalıdırlar.
Saytın hər bir bölməsi Avrazların tələblərinə cavab verməlidir. Buna görə də, hər şey interaktiv şəkildə, istifadəçi və üzvlərin fikrini öyrənərək etmək lazımdır.
Avraz.NETwork isə təşkilat olmayan, qeyri rəsmi bir şəbəkəyə çevrilməlidir. Avraz şəbəkəsi çərçivəsində bir çox sinxron liyahələr və qeyri rəsmi görüşlər təşkil etmək olar, gələcəkdə daha qlobal işlər görülə bilər, ancaq o fikirlərlə bölüşməyə hələ tezdir. Hər şeyin öz vaxtı var :)
Copyright © 2009 - Şairanə fikirlər. | Entries (RSS) | Comments (RSS)
WordPress theme by 
9th sphere website design