Dəftəri-Pünhan

Əvvəlki yazımı oxudum, belə bəyanat gəldi ağlıma:
“Mən nəvaxtsa deyəndə ki “dünyanı bir atomla izah edə bilərəm”, siz mənə gülürdünüz.”
Bakıya qayıdanda gedib ibtidai sinif rəhbərimə deyəcəm. Bəlkə də o gülməyi ilə məndə olan böyük fəlsəfi-kimyaçını öldürdü? :) Bəlkə mən kimyanın Dekartı ola bilərdim? :)

Elə bilirsiniz ki, Antuan de Lavuaziyedən danışacağam?
Xeyr. Qətiyyən.
Əlaqələrdən danışacam.

Bugün Facebook`da köhnə sinif yoldaşım elə başlıqda yazdığım cümləni statusunda yazdı. Demə ximyadan imtahanı artıq verib. Sadəcə insanlar arasındakı əlaqələri nəzərdə tuturmuş.
Doğurdan da. Əlaqələr nə yaranır, nə də yox olur. Onlar sadəcə olaraq dəyişir.

Cəsarət də, ağıl kimi, işlənməyəndə köhnəlir və paslanır.

Uzun müddət cəsarətsizlik edən və qarşıdurmalardan qaçan hər kəs müəyyən vaxtdan sonra qorxağa çevrilir. Cəsarətli olmaq üçün, cəsarətli addımlar atmaq lazımdır.

Kiçik qarşıdurmalardan qaçan hər bir kəs əsas döyüşdə cəsarət göstərə bilməz. Cəsarətinizi durmadan itiləyin.

Əsil mübariz Koroğlunun nəsihətini unutmalı deyil.

Koroğlu mərdliyi qala dünyada,
İgid gərək başda sevda qaynada,

Sevginizi bölüşün. Heçkəs kimi, mübarizlər də əbədi yaşamır. Getdikləri keşməkeşli yollar onların həyatını daha da təhlükəyə atır. Buna görə də, sevdiyiniz insanlarla, ertələmədən, sevginizi paylaşın. Yaxınlarınıza onlarla fəxr etdiyinizi, onlara oxşamaq arzunuzu, ehtiram hissinizi bildirməkdən qorxmayın.

Silahdaşlarınızı və düşmənlərinizi xüsusən sevin. Silahdaşlarınıza döyüş meydanında onlarla çiyin-çiyinə durduğunuzdan şərəf duyduğunuzu gizlətməyin. Düşmənlərinizi isə mövcud olduqlarına, sizə güc və Yolunuzun düzgün olmasına inam verdiklərinə görə sevin.

Bununla belə, mübariz sevdanın onu kor etməsinə, dahi Məqsədindən yayınmasına imkan verməli deyil.

Sevməyi bacarmayan insan mərd ola bilməz.

İnsanların sənə inanmağından sui-istifadə etmə. Silahdaşlarının sənə olan inamından istifadə edib onlara yalan vəya dəyişdirilmiş doğrunu demə. Yalanına belə kor-koranə inanacaqlarına baxmayaraq, insanlara ancaq həqiqəti de.

Bununla, sən onların sənə olan inamını doğruldur və daha da artırırsan.

Sözü dürüst olan insanın əməli də dürüst və ədalətli olur. Belə insana arxalanmaq, həyatını güvənmək olar.

Növbəti qayda: rəqiblərə paxıllıq

Mübarizə zamanı qərar verərkən, olduqca diqqətli və ehtiyyatlı olmaq lazımdır, çünki ətrafınızdakılar – dostlarınız, silahdaşlarınız, məsləhətçiləriniz – qərarınıza təsir etməyə cəhd göstərəcəklər.

Qərarlarınız və addımlarınız dürüst, ədalətli və obyektiv olmalıdırlar. Hər bir seçimizin sizin öz seçiminiz olmalıdır. Ətrafınızı dinləsəniz də, qərarı özünüz verməlisiniz və sizə verilən məsləhətlərə böyük şübhə ilə yanaşmalısınız. Bu ona görə deyil ki, sizə deyilənlər səhv olacaqlar, qətiyyən. Sadəcə olaraq, hər kəsin öz həqiqəti var və sizin yolunuz və mübarizəniz üçün ən böyük həqiqət elə sizin öz həqiqətinizdir. Mübarizənizə münasib ədalət və dürüstlük yalnız sizə bəllidir. Ətrafınızdakılar isə sizə öz qərarlarını sırımaq istəyəcəklər.

Buna iki səbəb var. İnsanlar hər zaman özlərinin atmağa cürət etmədiyi addımların başqaları tərəfindən edilməsini istəyirlər. Həm əziyyət, həm də risklər – bu insana dost desələr belə – başqasının üzərinə düşür, eyni zamanda isə seçimlərinin düzgün vəya qeyri-düzgün olduğunu yoxlaya bilərlər. Özləri isə kənardan bunu müşahidə etmək imkanını qazanırlar. İkinci səbəb isə, həmin addımın onların xeyrinə olduğudur, halbu ki onun sizin ziyanınıza olduğunu çox gözəl bilirlər.

Buna görə də, heçkəsin qərarını olduğu kimi qəbul etməyin. Onu özünüzə və mübarizənizə uyğunlaşdırın. Öz qərarlarınıza isə kənardan baxıb qiymət verməyi bacarın.

…və ən əsas qaydanı unutmayın: özünüzə qarşı qəbul etmədiyiniz münasibəti başqalarına qarşı da tədbiq etməyin.

Bayram günü vaxt tapıb yemək yeməyə aşağı düşmüşdüm. Orda ikən, 10 dəqiqəlik televizora da baxdım. Həzrəti-İbrahimin həyatı haqda veriliş verirdilər. Bu məqamda iki fikir gəldi ağlıma. Biri ilə bölüşmək istəyirəm.

Gəlin əsas peyğəmbərlərimizə nəzər yetirək.
Həzrəti-İbrahim bütpərəstliyə qarşı mübarizə aparırdı. Monoteist imanı gətirərək, din aləmində inqilab etdi.
Həzrəti-Musa xalqını Misir fironlarından xilas etməklə inqilab etdi.
Həzrəti-İsa yahudi cəmiyyətinin köhnəlmiş və konservativ dini və ictimai fikirlərini kökündən dəyişərək inqilab etdi.
Həzrəti-Məhəmməd Ərəb cəmiyyətində və dövlətçiliyində inqilab etdi.

Bu ancaq mənim məhdud biliklərim çərçivəsində gördüklərimdir. Bütün peyğəmbərlər bu vəya digər üsulla, sonunda inqilaba gətiriblər. İctimai, siyasi və dini sahələrdə yenilik ediblər, köhnəlmiş dəyərləri və anlayışları kökündən kəsiblər.

Əgər peyğəmbərlər inqilabçıdırlarsa, onda inqilabçılar kimdir?

Çox maraqlıdır.

Deyirlər ki, insanlar bəzən valideynlərinin səhvlərinə görə cavab verməli, valideynlərinin günahlarına görə əzab çəkməlidirlər. Etdiyimiz hər şey bumeranqdır, əvvəl-axır qayıtmalıdırsa, nəyə görə belə gec qayıdıb uşaqlarımıza dəyməlidir? Niyə həyat bizim başımıza gətirməli bəlanı uşaqlarımızın başına gətirir?
Qarğışa görəmi? Bilmirəm. Ancaq bu müşahidəni doğurdan da tez-tez edirəm.

Doğurdan da, maraqlıdır.

Kimin Facebook, Odnoklassniki və bu kimi digər sosial şəbəkə saytlarında qeydiyyatı yoxdur? Çoxumuz bu cür “şəbəkələşirik”.

Bu həvəsə düşüb, çoxları oxşar layihələr yaradırlar. Biz də istisna olmadıq. Avraz.NET ilk olaraq elə Social NETwork kimi fəaliyyətə başlamışdı. Sözsüz ki, bu cür layihələrin “nəhənglərə” dözməsi üçün bir sıra şərtlərə cavab vermək lazımdır.

Ona görə də, görək AvrAz.NETwork sosial şəbəkəsinin yaşaması üçün nə lazımdır?

1. Dəqiq “target group”.
Bu o deməkdir ki, cəmiyyətdə ilkin hədəfimizi müəyyənləşdirməliyik. Artıq aydındır ki, bu hələlik Avropada yaşayan azərbaycanlılardır.

2. Tələblərin müəyyənləşdirilməsi.
Hədəf müəyyənləşdikdən sonra, işin gedişini ilk zamanlarda həmin ictimai qrupun tələbləri üzərində qurulmalıdır. Bu da o qədər də asan iş deyil.

• Tapşırıq №1 – Target Group ilə Feedback yaradaraq tələbləri və arzuları müəyyənləşdirmək.

3. Hədəf qrupla bağlı məqsədlərin müəyyənləşdirilməsi
Daha sadə desək, seçilmiş qrupa nəyi çatdırmaq istədiyinizi, onları hansı məlumatla təmin edərək, hansı yöndə dəyişəcəyinizi dəqiq bilməlisiniz. Şəbəkəyə qoşularkən, dəyərlər də get-gedə ona uyğun dəyişir. Bu yaxşı olduğu kimi, çoxlu ziyan da verə bilər.

• Tapşırıq №2 – Avraz ideallarının və dəyərlərinin müəyyənləşdirilməsi.

4. Şərti personaj(lar)
İstənilən ictimai iş, insanlar üçün olunur və insanları müəyyən işə cəlb etmək üçün onlara ya ideyaları qəbul etdirmək, ya da misal və örnəklərlə izah etmək lazımdır. Sözsüz ki, ikinci variant daha asandır. Bunun üçün ən asan yol, özün üçün şərti personaj(lar)ın yaradılmasıdır.
Ancaq biz daha uzağa gedəcəyik. Biz bu personajları tək özümüz üçün deyil, həm də ictimayət üçün hazırlayacayıq. Avrazları, digər …az`lardan fərqli olaraq, daha fərqlidirlər və bir-biri ilə çox az oxşarlıqları var.  Bu səbəbdəndir ki, personajların da sayı çox olacaq.

• Tapşırıq №3 – Ən azından 3 şərti personaj düşünüb, onları real həyatın problemləri, baş verənlərə öz reaksiyaları, maraqları və hətta aylıq gəlirlərinə qədər, hər şeyi nəzərə almaq.

5. Təkliflərin reallaşması üçün imkanlar
Öncəki addımlar bizə ancaq bir şeyi müəyyənləşdirməyə imkan verdi – ictimayətin tələblərini. Bunları bildikdə, bu tələblərə cavab vermək imkanları və onların nəqədər böyük olmasını müəyyənləşdirmək qalır.

Bugünlük bu qədər. :) Gələn dəfə SMO ilə məşqul olacağıq.

Tanış olun, fikrə dalmış Mefistofel. Qətiyyən yorulmayıb vəya əldən düşməyib. Sadəcə olaraq gördüklərinə müsbət yanaşa bilməz. İnsanların niskinliyinə qarşı olan nifrətinin əsaslı olduğunu başa düşmək, yəqin ki ağrılı olmalıdır.

(c) M. Antokovsky

Daha ağıllı izahat (uruscax)