Dəftəri-Pünhan
Archive for December, 2008
Bir misra
Dec 18th
…Ol sünbülü-zülfün ki ümüdgahım idi,
Verib səba yelinə, yaxşı tar-mar elədin.
Yadımda deyil kimindi. Birdən yadıma düşdü.
Xəlil Rza Ulutürk – Şöhrət
Dec 18th
Bu axşam deyəsən mə`lulsan bir az,
- Şöhrət yaxşı şeymiş! – pıçıldayırsan,
- Bayaq filankəsi yola salıblar,
Az qala güllərə qərq olub qatar.
Yəqin ki, o cür də qarşılanacaq,
Çıxacaq yoluna təzə “Volqa”lar.
Alqış salon-salon, gül qucaq-qucaq,
Onundur efirdə bütün dalğalar.
Sənin bu halına yazığım gəlir,
Gülüm, mə`nasızdır, inan, bu xiffət.
Dürüst qazanıbsa, halalı olsun.
Ucuz qazanıbsa haramdı şöhrət.
Səni ər şöhrəti maraqlandırır,
Düşün, yaxşı düşün nə deməkdi ər.
Ər əgər ərdirsə, onun gözünə
Nə şöhrət görünər, nə sərvət, nə zər.
Çoxları bu yoldan bezdi, usandı.
Mətin olmalıyıq, hər şeydən mətin.
Çələngi hardansa çalmaq asandı,
Çələngi şərəflə daşımaq çətin.
Gülüm, ayırd elə tikanı güldən.
Tarix əyriləri gec-tez tanıyır.
Özünə yalandan şöhrət düzəldən
Xalqın şöhrətini çapıb-talayır.
İşləyək, çalışaq səssiz, əzizim.
Qoy səssizlik özü tufan yaratsın.
Gəl vuraq boynunu şöhrətimizin,
Təki amalımız şöhrətə çatsın.
Gün yox, əsrlərdin sənət me`yarı.
Gündəlik zəhmətdir ömrün özülü.
Bütün şöhrətlərdən üstün dayanır
Şöhrəti biganə kişi dözümü!
Yerində dağ kimi dursa sənətkar
Yüksələr qəlbinin ucalığına.
Əsrlər, nəsillər əlində çələng
Gələr ayağına, baş əyər ona!
Həyat nəyə bənzər? Ay şəlaləyə!
Cəmi bircə dəfə bar verən bağa.
Tələs mərd yaşayıb, gözəl ölməyə,
Tələsmə şöhrətə dustaq olmağa!
Bənd olma zahiri ad-sana, mülkə,
Dürlü nişanların yaraşığına.
Yetmiş cahangirin şöhrəti dəyməz
Mənim gözlərimin şe`r işığına.
Danmıram, yaxşıdır şöhrən çələngi,
Oğurluq deyilsə, saxta deyilsə.
Hətta lap ə`ladır: kişi şöhrəti
Xalqın şöhrətinə çevrilə bilsə.
1984
Kimsəm yox mənim
Dec 16th
Ayrıldım elimdən, çıxdım qürbətə,
Ağlaram, sızlaram, kimsəm yox mənim.
Qərib deyilib düşdüm dildən dillərə,
Ağlaram, sizlaram, kimsəm yox mənim.
Gənc yaşımda tərk eylədim vətənim,
Qürbət ellər oldu mənim məskənim,
Gözü yaşlı, gözü yolda Sənəmin,
Ağlaram, sızlaram, kimsəm yox mənim.
Aşıq Qərib, yanıq-yanıq söyləsin,
Enib eşqin dəryasını boylasın,
Hər səni dünyada namlar eyləsin,
Ağlaram, sızlaram, kimsəm yox mənim.
Aşıq Qərib
(Aynura minnətdarlıq)
Ya bir olar, ya iki.
Dec 16th
İsmi pünhan,niyə məndən küsübsən?
Yaxşı yaman ya bir olar,ya iki.
Bu gün ölsəm hamı deyər yazıqdır,
Canı yanan ya bir olar,ya iki.
Sən şöləsən dörd yanında fanaram,
Bülbülünəm,gülşənondən kənaram.
Hər məclisdə od tutuban yanaram,
Dərdim qanan ya bir olar,ya iki.
Hilal qaşa nə layiqdir o sürmə,
Meylin qılıb,üzün məndə çevirmə.
Cümə deyər,hər yetənə sirr vermə,
Dost mehriban ya bir olar,ya iki.
Molla Cümə
Dillər
Dec 16th
İnsanlarla düzgün danışmağı bacarmırsansa, bu boyda dil bilməyinin bir köpüy dəyəri yoxdur.
Lovğa
Dec 15th
Əvvəlki yazımı oxudum, belə bəyanat gəldi ağlıma:
“Mən nəvaxtsa deyəndə ki “dünyanı bir atomla izah edə bilərəm”, siz mənə gülürdünüz.”
Bakıya qayıdanda gedib ibtidai sinif rəhbərimə deyəcəm. Bəlkə də o gülməyi ilə məndə olan böyük fəlsəfi-kimyaçını öldürdü? :) Bəlkə mən kimyanın Dekartı ola bilərdim? :)
Heçnə yaranmır, heçnə yox olmur – hər şey dəyişir
Dec 15th
Elə bilirsiniz ki, Antuan de Lavuaziyedən danışacağam?
Xeyr. Qətiyyən.
Əlaqələrdən danışacam.
Bugün Facebook`da köhnə sinif yoldaşım elə başlıqda yazdığım cümləni statusunda yazdı. Demə ximyadan imtahanı artıq verib. Sadəcə insanlar arasındakı əlaqələri nəzərdə tuturmuş.
Doğurdan da. Əlaqələr nə yaranır, nə də yox olur. Onlar sadəcə olaraq dəyişir.
III World War
Dec 11th
Bir ay bundan əvvəl, Avropa 1-ci dünya müharibəsinin sonunun 90-cı ildönümünü qeyd etdi. Təklif edirəm ki, bu müharibənin tarixinə bir nəzər salaq, sonra isə indi dünyada baş verən proseslərlə əlaqə axtaraq.
Birinci Dünya Müharibəsi ilk olaraq ittifaq müharibəsi olmuşdur. Avropanın mərkəzində yerləşən Almaniya və Avstro-Macar imperiyasının və İtaliyanın “Üçlük” birliyinə cavab olaraq, Fransa İngiltərə və Russiya ilə ittifaqa girir. Beləliklə, “Antanta” qurulur. İngiltərə və Fransanın məhs Russiya ilə birləşməsi ilk növbədə stratejik məqsəd daşıyırdı. Antantanın yaranması “Üçlüyü” coğrafi olaraq mühasirəyə alır, ki bu da müharibənin başlamasına təkan verən qüvvələrdən biri olur.