Dəftəri-Pünhan
Hardadır?
Bilməzəm nə yoldayam, ruhi-rəvanım hardadır,
Mən kiməm, yolum nədir, axır məkanım hardadır.
Sərasər çox şəmlərə pərvanə oldum bilmədən,
Söyləyin, aşiq mənəmsə, bəs cananım hardadır?
Daima dərdlər qılıbdırsa pərişan halımı,
Bilmədim bimarlığım nə, ya dərmanım hardadır.
Düşün, çox arxayın olma özünə, ey qafil!
Soracaqsan, ayılıb bir gün, “zamanım hardadır?”
Sandım etməm dəxi meydani-məhəbbətdə xəta,
Söyləyin kim, məhəbbət nədir, meydanım hardadır?
Hər zaman mən bu xilqətə gəncimi pünhan dedim,
Öylə etdim, unutdum gənci-pünhanım hardadır.
27/08/08 3:25
| Print article | This entry was posted by Musa Punhan on August 28, 2008 at 03:08, and is filed under Şerlər. Follow any responses to this post through RSS 2.0. You can leave a response or trackback from your own site. |
No comments yet.
No trackbacks yet.
Oldum yenə əşari-Seyyidin vurğunu!
about 1 year ago - No comments
Ey hurivəş ki, əksi-rüxun sağərimdədir,
Kövsər zülalı, badeyi-canpərvərimdədir.
Seyid-Əzim Şirvani
Saqi, mey ver!
about 1 year ago - No comments
Ayağın öpməliyik xadimi-meyxanələrin,
Bəlkə cəm içrə görək əksini cananəmizin!
Əliağa Vahid
Bir misra
about 1 year ago - No comments
…Ol sünbülü-zülfün ki ümüdgahım idi,
Verib səba yelinə, yaxşı tar-mar elədin.
Yadımda deyil kimindi. Birdən yadıma düşdü.
Peyğəmbərlər kimdir?
about 1 year ago - 1 comment
Bayram günü vaxt tapıb yemək yeməyə aşağı düşmüşdüm. Orda ikən, 10 dəqiqəlik televizora da baxdım. Həzrəti-İbrahimin həyatı haqda veriliş verirdilər. Bu məqamda iki fikir gəldi ağlıma. Biri ilə bölüşmək istəyirəm.
Gəlin əsas peyğəmbərlərimizə nəzər yetirək.
Həzrəti-İbrahim bütpərəstliyə qarşı mübarizə aparırdı. Monoteist imanı gətirərək, din aləmində inqilab etdi.
Həzrəti-Musa xalqını Misir fironlarından xilas etməklə inqilab etdi.
Həzrəti-İsa yahudi cəmiyyətinin köhnəlmiş
Daha bir sual
about 1 year ago - No comments
Çox maraqlıdır.
Deyirlər ki, insanlar bəzən valideynlərinin səhvlərinə görə cavab verməli, valideynlərinin günahlarına görə əzab çəkməlidirlər. Etdiyimiz hər şey bumeranqdır, əvvəl-axır qayıtmalıdırsa, nəyə görə belə gec qayıdıb uşaqlarımıza dəyməlidir? Niyə həyat bizim başımıza gətirməli bəlanı uşaqlarımızın başına gətirir?
Qarğışa görəmi? Bilmirəm. Ancaq bu müşahidəni doğurdan da tez-tez edirəm.
Doğurdan da, maraqlıdır.
isti-isti
about 1 year ago - 1 comment
Gələcəksən yanıma, gizlicə, röyyadə gecə,
Düşəcəklər ən gözəl anlarımız yadə gecə.
Nəqədər çıraq yansın, gündüz xeyir olmaz,
Oluram bir danə şəm`dən ziyadə gecə.
Baxma, gündüz nə qədər Pünhan olsaq da,
Həqqə yaxınlaşdırır bizləri dünyadə gecə.
22.09.08 0:55
Verviers
Bilmirəm…
about 1 year ago - 1 comment
Bilmirəm.
Düzələrmi bizim əyri fikirlər?
Yəqin ki, buna da zaman gərəkdir.
Təmizlənəcəkmi qəlbdəki kirlər?
Biləcəm, sinəmdə daş yox, ürəkdir.
Qara-qara düşüncələr
Ağararmı?
Ürək nəvaxtsa dincələr,
Dayanarmı?
Suallardan sabah cavab doğacaq,
Günahlardan bir gün savab doğacaq.
Məndən də nəvaxtsa insan olacaq.
Amma, nəvaxt, təəssüf ki, bilmirəm.
29/08/08 04:25
Verviers
Bölüşmək istəmədiklərimdən
about 1 year ago - No comments
Nədənsə çox şəxsi sandığım cızma-qaralarımdan ikisi. Xahişləri yerə salmaq düzgün deyil.
Eylə bimarəm ki, dəhrdə bir dərmanım yox,
Qəmə bürünmüş aləmdə səhhətə gümanım yox.
Təbiblər çox çalışmış əlac qıla dərdimə,
Qəti, bu işdə müşkülüm çox, asanım yox.
—
Bəlai-cahandan mən olmuşam bimar bu gecə,
Olubdur halım pərişan, gözüm ağlar bu gecə.
Tutsam da qəmim xilqərdən gər nihan daim,
Ahü-əfğan edəcəm, çün səbəbim var bu
İnanan daşa dönsün…
about 2 years ago - No comments
Əslində başlığın mövzu ilə əlaqəsi azdır. Nəisə.
Bugün daha bir “tərif” axınından sonra, həmişəki müzakirə və suallar. “Bu ki tərif deyil, mən həqiqəti deyirəm.”, “Sevmədiyini başa düşmək olar, bəs niyə inanmırsan axı?” və s.
Əslində qəliz heçnə yoxdur. Təriflərə inanmaqdan qorxuram. Həyatda inkişaf etmək üçün, inkişaf üçün yerin olmasına inanmaq lazımdır. Qorxuram ki, təriflərə inanıb, inkişafdan əlimi