Jul
31
2008
İstər eşqin, istər dərdin bağından
Fərqi yoxdur nə dərirsən dər mənə.
İslanmışın sudan olmaz qorxusu,
Diş qıcama, ay qocaman nər mənə.
Ad da verdin el içində, hörmət də,
San da verdin, şan da verdin, şöhrət də,
Pul da verdin, var da verdin, dövlət də,
Sən Hatəmsən nələr verdin gör mənə.
Mən Bəhmənəm sınıq könlüm hörmədin,
Ah-naləmi eşitmədin, görmədin,
Qadir Allah, sevdiyimi vermədin,
İndən belə nə verirsən, ver mənə.
Qaraqoyunlu Aşıq Cahad
Kimi qan ağlayır, kimi kef çəkir,
Bilmirəm, bu fələk nə həvəsdədi.
Sıyırıb qılıncı, alıb əlinə,
Məqamdı, başımı kəshakəsdədi.
Tacirəm, mətahım dünyanın qəmi,
Heç pərgar olmadı işimin cəmi.
Daima nizamdı könlümün simi,
Kərəmi kökdədi, Dilqəm üstədi.
Mən Aşıq Cahadam, dost yorğunuyam,
Ilqar qədəhinin tam dolğunuyam.
Elə vurulmuşam, el vurğunuyam,
Eldən ötrü hey qulağım səsdədi.
Jul
30
2008
Həyatımızda elə insanlar var ki, özümüzün sanki “antipodudur”. Belə insanlar həyatda tək-tək olur. Əks cinsdən olanda bu daha xoşdur. Ancaq hər iki halda, onlarla gedəcəyiniz yol əvvəl-axır sonuna yetir.
Helə tanışlarımın biri dünən gecə yadıma düşdü. Bəlkə də indi onun yerini tutan insanlarla fərqini başa düşdüyümə görə.
O yoldaşımla o qədər də yola getməsək də, səbəbini bilirdik – hər ikimiz eyni dərəcədə tərs və gizli idik(bir az da qəddar). Aylarca danışmasaq belə, yaddan çıxmadığımızı; sirrdaş olmasaq da, yalan demədiyimizi; xasiyyətimiz və hisslərimiz oxşar olsa belə, dünyaya baxışımız fərqli idi. Ancaq bəzən belə yoldaşlar da lazımdı həyatda. Sözsüz nə hissləri yaşadığını başa düşsün. Həm də bu insanlardan tam həqiqəti, nə qədər acı olsa belə, eşidəcəyinə əmin olursan. Çünki bu insanlar səndəki zəiflik və qüdrəti özlərində də görürlər və bilirlər.
Jul
23
2008
Bu gece yuxumda seni görmüşem,
Gördüm baharına qar elenibdir.
Üreyinden axan qanı görmüşem,
Gördüm xeyalın da güllelenibdir…
Meni xatırladın alayarımçıq,
Qol açıb bağrına basmaq istedin.
Seni unudana sen yazıq-yazıq,
‘Oğul, bu vaxtacan hardasan? ‘ dedin.
Qelbimi üşütdü titrek nefesin,
Varlığım qara bir derde büründü.
Bir zaman ruhuma can veren sesin,
İndi qulağımda mateme döndü…
Bölündük, qürbetin payına düşdüm,
Bağlanıb yollarım, dara bağlıyam.
Sen menim, mense can hayına düşdüm,
Men nece deyim ki, Qarabağlıyam? !
Çox şeyi unutdum o günden beri,
Amma qelbimdeki yaram sağalmır.
Gözaçıb dünyaya geldiyin yeri,
Beşikden-qebredek unutmaq olmur…
Ezelden qelbime, ruhuma çökmüş,
Qara qorxuları terk edirem men.
Vetensiz yaşamaq ölüm demekmiş,
Bunu indi-indi derk edirem men…
O senli günlerim düşürler yada,
Qemli xatireler durur qesdime.
Vetensiz ölersem bir ovucsada,
Qarabağ torpağı sepin üstüme…
Afiq_Agdami
http://uyeler.antoloji.com/afiq-agdami/
Jul
22
2008
Avrazların sıx yaşadığı yerləri və Avraz təşkilatlarını veb səhifəsi ilə təmin etmək üçün belə bir tədbir görmək olar.
Biz istəyən Avrazlara və təşkilat/qurumlara bizdə olan hosting yerini veririk və saytın yaradılmasına köməklik edirik. Ancaq domain adı alınır. Bunun əvəzində, həmin saytlarda “forum” linki Avraz.NET/Forum`a, onlar üçün yaradılmış bölməyə aparır.
Jul
22
2008
Əslində başlığın mövzu ilə əlaqəsi azdır. Nəisə.
Bugün daha bir “tərif” axınından sonra, həmişəki müzakirə və suallar. “Bu ki tərif deyil, mən həqiqəti deyirəm.”, “Sevmədiyini başa düşmək olar, bəs niyə inanmırsan axı?” və s.
Əslində qəliz heçnə yoxdur. Təriflərə inanmaqdan qorxuram. Həyatda inkişaf etmək üçün, inkişaf üçün yerin olmasına inanmaq lazımdır. Qorxuram ki, təriflərə inanıb, inkişafdan əlimi üzüm. Həm də, necə deyərlər, “ağac bar verdikcə başını aşağı salar”. Bu nə sadəlik, nə də təbazökarlıqdır.
Başqa bir müşahidəm : mübarizə “xəstələri”, əslində, “şər deməsən, xeyir olmaz” prinsipi ilə yaşamalıdırlar. Bu da nə pessimizm, nə də fatalizmdir.
Bunlar sadəcə düşüncə tərzi və seçimdir. Müsbət cəhətləri olduğu kimi, mənfiləri də var, ancaq bunu bilməsəniz də olar.
Jul
19
2008
Sevgi vardir ki, dodaqlarda acar güllerini,
Sevgi vardir ki, bir az qar kimi, rüzgar kimidir.
Sevgi vardir oxudur qəlbi də bulbullərini,
Belə bir sevgi menim ruhumu oxşar kimidir.
Sevgi vardir ki, uzaqdan bize parlaq gorunur,
Ona yaxmaşlayalim cunki o zulmetle dolu.
Sevgi vardir ki, dusher yerlere daim surunur,
Oyle bir sevgi de min durlu xeyeletle dolu.
Sevgi vardir ki, bahardan bizə gullər gətirir,
Içe zəqqum ve zəhər, qoxlama, qəlbin qanayar.
Sevgi vardir uzuxoş, daxili bir qorxulu yar.
Sevgi vardir bize cox dadli əməllər gətirir,
Fəqət hepsinde qaranliq gecəler kolgəsi var.
Sevgilərde qarişiq bilməcələr kölgəsi var.
Mikayıl Müşfiq
Jul
19
2008
Июльский дождь страстей не остудил.
Жара июльская обид не растопила.
И каждый бился и не находил
Того, что было прежде сердцу мило.
Мы заблудились в собственной судьбе.
Мы перестали говорить стихами.
В пылу высокой жалости к себе
Мы не заметим осени дыханье.
Когда сойдут снега большой зимы
Разбудят нас весенние капели.
Кому тогда, мой друг, расскажем мы,
Как на одну любовь мы постарели?
Любовь Захарченко
Jul
17
2008
Şerlər şairin göz yaşlarıdır.
Gizlədir hönkürtü, nalələrini.
Şerlər şairin yoldaşlarıdır,
Bilirlər dərdini, çarələrini.
Şairlər sevirlər payızı, qışı,
Soyuqlar onlara cənnət kimidir.
Şairə əzizdir gecə yağışı,
Əzablar da ona ləzzət kimidir.
Hər şair bilir öz zəifliyini.
Bilir ki, dünyada heçnəyi bilmir.
Şair var, görsədir zərifliyini,
Şair var, düşünür gizlicə, dinmir.
Şair olmaq üçün şer şərt deyil.
Elə şair var ki, əş`arı yoxdur.
Şer yazmamaq da qəti dərd deyil.
Dərdlidir qəmli kəs, qəmxarı yoxdur.
Gər iki misramı oxuyan kəslər,
Sizə də “şairdir Pünhan” deyirlər,
Çox olur həyatda belə həvəslər.
Mən şair deyiləm, yalan deyirlər.
17.07.08 3:29
Verviers
Jul
17
2008
Nəvaxtsa biləcəm nədən insanlar
Bu qədər zəifdir, bu qədər miskin.
Kimlərdir adam yox, insan olanlar,
Hardan qəlbdə şübhə, fikirdəsə kin.
Nə üçün insanlar alçaqlıq edir?
Nə üçün unudub bəs qeyrətini?
Nədəndir, kiməsə yaltaqlıq edir,
Taptalayib o öz şəxsiyyətini?
Kimdir dirəyimiz pis günümüzdə?
Dostlarmı, sevgilim, ya ailəmmidir?
Yəqin ki, hamısı. Amma bilmirəm,
Sual verən mənəm, ya aləmmidir?
Sərməst də deyiləm dərk etməməkçün
Kainat nə, bəşər nə, ya dünya nədir?
Həm də çox gücsüzəm tərk etməməkçün,
Həm bilmirəm ki, düzgün ya nədir?
17.07.08 2:40
Verviers
Copyright © 2009 - Şairanə fikirlər. | Entries (RSS) | Comments (RSS)
WordPress theme by 
9th sphere website design